Vangaveltur...........

Það er ekkert um að vera þannig að ég hefi ekki um neitt að pára frekar en fyrri daginn.

Er komin með unhvað yfir 50 gæsabringur í frost og slatta af gæsalifur og hjörtum.

Haukur og Una ætla að kíkja austur um helgina þannig að ég fæ að líta hann nafna minn í fyrsta skipti svona live.

Er að hugsa um að taka út alla aurana mína sem ég á í Landsbankanum á morgun, ég er viss um að ég á 7 dollara og örugglega 37,000 handónýtar krónur. Nú og ef Davíð og Geir verða ekki búnir að þjóðnýta Landsbankann á mánudag þá bara legg ég inn krónurnar mínar eftir helgi og ávaxta þær til næsta föstudags.

Já eins og gamli maðurinn sagði hér í denn,,~Það skeður alltaf mest á nóttinni og um helgar.~

Glitnir,,,,,banki allra landsmanna...........

Ekki var ég nú búin að vaka nema í rúmlega þrjá tíma í morgun þegar ég heyrði í útvarpinu að ég væri orðin eigandi af Glitni. Mig hafði nú ekki dottið í hug að verða eigandi að banka aftur. Ekki eftir að ákveðnir aðilar gáfu einkavinum sínum ríkisbankana hér um árið.

En ég er nú bara lítill eigandi af Glitnisbankanum eins og unhvað yfir 300 þúsund aðrir Íslendingar. En varla á ég nú vona á því að allir meðeigendur mínir í banka allra landsmanna séu sáttir við að þeir stjórnendur sem kafsigldu Glitni eigi að fá að stjórna áfram á sömu ofurlaununum.

Spurningin er hvernig stóð á því að við eignuðumst þennan banka sem stóð svo traustur fyrir þessar aðgerðir Seðlabankans og stjórnvalda? Í það minnsta lét herra Geir Hilmar Haarde það út úr sér að bankinn stæði traustur eftir aðgerðir næturinnar rétt eins og fyrir þennan gjörning. Sama ruglið í Geir eins og síðastliðinn vetur þegar krónan hafði náð botninum, og síðan hefur krónan kysst marga botna.

Getur verið að seðlabankastjórinn hann Davíð Oddson hafi séð færi á að ná sér niður á Bónus fjölskyldunni? Hvað veit ég?

Ef..........

Ef Glitnir hefur verið svona sterkur fyrir þessar aðgerðir, hví þarf þá ríkið að fara í þessar aðgerðir?

Spyr sá sem ekki veit?

Geta treyst styrk Glitnis áfram

Öskur.........

Og ætli þessi öskurferð sé kostuð af skattborgurum landsins eins og svo margar aðrar skemmtiferðir ráðamanna þjóðarinnar?

Spyr sá sem ekki veit??????????

Þorgerður Katrín: Ætla að öskra mig hása

Smá raus og rugl.........

Enn og aftur er ég svona eiginlega orðlaus á þetta lyklaborð. Eða kannski vantar mig bara unhvað til að rita um.

Hefi eigi geð í mér að fjalla um hvernig Herr Generáll Björn Bjarnason virðist geta klúðrað flestu sem hann kemur nálægt, eins og best sést í Keflavíkur-Reykjanes lögreglumálum.

Ekki nenni ég að tjá mig um varðskipin okkar sem ekki er hægt að halda úti sökum fjárskorts. En það má byggja stærra og öflugra skip sem líkast til eyðir olíu á við báða varðbátana sem liggja bundnir.

En Siggi litli og ég kíktum aðeins eftir gæs í morgun og náðum 18 stykkjum á rúmum 35 mínútum. Þá hættum við og héldum heim á leið sáttir með aflann.

 

 

Hví er maður að nenna..........

Ég hefi ekki um nokkurn skapaðan eða óskapaðan hlut að pára um frekar en fyrri daginn.

Þar af leiðandi ætti ég ekki að líta á þetta bloggerí.

Mætti í vinnu í morgun ekki alveg jafn illa haldin og ég var megnið af síðustu viku.

Er að vonast til að vera sprækur sem lækur um næstu helgi því þá hefi ég aðgang að flottri jörð þar sem mýgrútur er af gæs. Vona að hún verði þar enn og jafnvel unhvað bætist við af henni heiðu. Siggi litli og Jón Ágúst munu nýta þetta fína veiðiboð með mér. Nú fer að koma að því að maður reddi sér spæni og fari að reykja gæsabringur. En hér á bæ eru þær taldar góðar til átu af mér og hundinum, en frúin kann lítt að meta svona fóður. Hún vill bara Stokkendur  brasaðar á ýmsa vegu.

 

 

Ég týndi 24 tímum.......

Ekki er nú öll vitleysan eins.

Ég skrapp til læknis á mánudaginn. Bara svona að láta redda mér tíma í blóðprufur, þar sem ég hefi ekki látið fylgjast með dælunni í mér í allt of langan tíma. Það gekk nú bara fínt. Hafði líka á orði við dokksa að vinstri höndin væri andskoti máttlaus. Hann leit á höndina og sagði,,,,,,,,. Þú ert með tennisolnboga. Og ég sem hefi eigi spilað tennis ef frá er talið smá borðtennis þegar ég var í skóla. Nú á þriðjudaginn mætti ég aftur á heilsó og var tekið úr mér blóð svona til að rannsaka. Eftir hádegið syrti í álinn. Um kaffileytið skutlaði hann Pálmi mér heim því ég bara stóð ekki lengur undir sjálfum mér. Lítt man ég eftir næsta sólarhring, en rumskaði rúmlega eitt í gær. Ennþá með bullandi hita og óhugnanlegar magakvalir. Nú og til að bæta gráu ofaná svar þá hrundi tölvan hjá frúnni og uppþvottavélin fór í verkfall. Unhverju viti kom ég í báðar þessar vélar í dag en það kostaði blóð,svita og uppköst þó hægt væri farið í verkin.

Helgin að klárast.

Þá er helgin að verða búin.

Frekar blaut helgi til þess að gera. Fór með strákunum í sveitina bæði í gær og í dag. Náðum niður fjórtán gæsum í gær, en í dag sáum við varla fugl. Balto og Nótt stóðu sig verulega vel í gær, en fengu að vera heima í dag og hvílast.

Skilst að Arsenal hafi spilað ágætan leik í gær og landað þremur stigum.

 

 

Útilega..........

Jæja núna ætla ég í útilegu ásamt mínum næst elsta syni.

Við ætlum að dvelja á slóðum Þórbergs heitins Þórðarsonar bæði laugardag og sunnudag. Ætlunin er að reyna að halda kornökrunum hans Steinþórs fríum af gæsum. Ég mun mæta með mína loftvarnarkannónu, og vonandi mun nú ein og ein grá lúta í lægra haldi fyrir blýinu. Annars er ég búin að ná í einar 13 svona sprengivélar og hefur það nú oft verið lakar á sama tíma árs.

Norðanmönnum er illa við mig.........

Með stuttu millibili hafa tveir öndvegis drengir úr Eyjafirðinum klukkað mig.

Fyrst var það hann Steingrímur Helgason sem búsettur er í höfuðstað Eyjafjarðar,,,,,Hauganesi, Nú í seinna skiptið var það Manchester City maður númer eitt á Agureyris hann Páll Jóhannesson.........

Vísa ég að mestu til míns fyrra klukks með svör og ætla bara að vera svo óforskammaður að klukka ekki nokkra sálu núna.......