Piffffffff!!!!!!!

Já einu sinni var maður stoltur af því að vera Íslendingur........ En það er liðin tíð, nú er það skömm.

Ætli sé ekki tími til að pakka niður í tösku og forða sér til svörtustu Afríku?

Skilaboðin voru skýr

Össur slapp við að sparka meðan Ingibjörg sleikti..............

Ég var farinn að halda að Ingibjörg Sólrún ætlaði að dunda við að sleikja rassgatið á Gordon Brown svona rétt á meðan Össur Skarphéðinsson myndi sparka í pungin á honum. Kjéllingin virðist hafa náð áttum því bretarnir koma ekki með þoturnar sínar. Það spara mér að kaupa 30-08 riffil til að fuðra á þessar Harriet þotur eða hvað þær heita.

Ég fór í góðan göngutúr í hvað á ég að segja gær!!!!!!

smelli inn nokkrum myndum hér fyrir neðan.

 

 

Hvar er ábyrgðin????

Ég get nú ekki orða bundist þó í bloggfríi sé.

Valgerður talar um pólitíska ábyrgð, jú hún er víst minni en ekki neitt. Sem sagt orðin tóm. Bara segja,,~Eg tek fulla pólitíska ábyrgð á þessu.~ Þá er málið dautt. Held að Valgerður og aðrir sem á sínum tíma gáfu útrásarvíkingunum ríkis bankana ættu að taka Bjarna bóksala sér til fyrirmyndar og segja af sér og taka afleiðingum sinna fyrri gjörða sem nú eru að koma í bakið á heilli þjóð.

 

Og nú er ég aftur farinn í bloggfrí og mun taka á axlir mér pólitíska ábyrgð á þessari örfærslu minni.

Óvanalegt að þingmenn segi af sér

!!

~!~

Jahá.

Ég er smitaður af alvarlegri bloggstíflu og hefi því ákveðið að taka mér bara frí frá bloggeríi um óákveðin tíma.

Úr hverju eru jöklar búnir til?

Ég er nú lítið að nenna að blogga.

Aðallega vegna þess að ég hef lítið að segja.

Fór til rjúpna á laugardaginn, endaði með því að ég náði rjúpu en hún var dýr þar sem hundurinn minn hann Balto ætlaði að ná henni á undan mér og varð fyrir hagladrífunni. Balto slapp særður frá þessu dæmi en rjúpan dó.

Ég er stundum að leika mér að setja myndir inn á vef sem ber nafnið www.ljosmyndakeppni.is árangurinn er frekar dapur. Síðasta mynd sem ég setti inn er frá Jökulsárlóni og kalla ég hana ~frosinn snjór~. Ég veit ekki betur en jöklarnir okkar sé snjór sem hefur fallið, þjappast saman og frosið. Vel má vera að það sé rugl í mér.

En ég held mig við það að svo sé þar til mér fróðari menn og konur ná að sannfæra mig um annað.

Væntanlegt rjúpnaveiðitímabil.........

Nú fer að bresta á veiðitímabil rjúpunnar.

Rakst á vefsíðu sem býður uppá sölu á veiðileyfi á rjúpu. Það tel ég ólöglegt, þar sem skýr ákvæði eru í lögum um að sala á rjúpu og rjúpnaafurðum sé bönnuð. En það er mitt álit.

 Ég lít svo á að bannað sé að versla með bæði lifandi og dauða rjúpu.

Ég sendi hann E-mil í málið. Fyrirspurn í umhverfisráðuneytið. Á varla von á svari þaðan, eða hvað? Nú og ef svarið er mér ekki að skapi mun ég hafa samband við umboðsmann alþingis og kvarta og kveina. Ég sætti mig ekki við það að þurfa jafnvel að borga 15 þús kall fyrir að fara upp á Borgarhafnarheið ef ég er með haglahólk á öxlinni, en vera gjaldfrjáls ef ég er bara með myndavélina mína. Þá álít ég að verið sé að mismuna þegnum landsins. En hvað varðar þessa vefsíðu www.rjupa.is  sýnist mér að ríkisstofnun sé að selja óveiddar rjúpur sem ég tel lögbrot. En líkast til má túlka lögin á marga vegu.

 En ég ætla ekki að gefa mig..........

Mílan fer hænufet,,,,,,,,

Eigi er ég nú mikill aðdáandi sjónvarpstækisins. Kannski vegna þess að ég á eigi 54" plasma eða lcd tæki. En ég reyni stundum að setjast með kvöldmatinn minn í þægilegan stól pg horfa á frétti á Stöð 2 og stundum nauðungaráskriftar sjónvarps rásinni. Þetta ætlaði ég að gera hér rétt fyrir klukkan 18:30. Viti menn og konur? Þegar kveikt var á tækinu birtist bara unhvað á skjánum sem sagði oss að myndlykill næði ekki sambandi við rouder. Nú þá var bara að kíkja á www.mbl.is en ekki tók betra við þar. Hvítur skjár og og ekkert internet. Nú þá var bara að setjast við borðstofuborðið og eta sinn kvöldmat. Þegar ég hafði lokið við að nærast og hvorki netið né sjónvarpið var komið í lag, datt mér í hug að bjalla í það margfræga númer 8007000. Þú ert númer 9 í röðinni sagði talmaskínan. En hún var fljót að telja niður. Brátt fékk ég samband við stúlku sem bauð mér góða kvöldið. Ég náttúrulega var kurteisin uppmáluð og svaraði í sömu mynt. Spurði síðan..... geturðu frætt mig um það hvort bilun sé í ADSL............ Á Hornafirði greyp stúlkan frammí fyrir mér..... Já Mílan er einkvað að lagfæra þarna hjá ykkur og verður þetta komið í lag mjög fljótlega sagði daman. Ég þakkaði fyrir upplýsingarnar og kvaddi. Nú eru komnir um það bil 3 tímar síðan ég ætlaði að kíkja á fréttir, og mér sýnist að ég ná ekki einu sinni að kíkja á 10 fréttirnar því svo virðist að Mílumenn fari rétt tæplega hænufet í þessum lagfæringum.

Ég svona velti því fyrir mér hvers vegna svona betrumbætur séu ekki unnar á nóttinni í staðin fyrir að gera þetta rétt fyrir kvöldmat?

 

Þetta er ritað klukkan 21:36 þann 27.október árið 2008. Spurning hvenær verður komið í lag internetið hjá Símanum og þá hvort þetta birtist á næstu klukkutímum eða jafnvel vikum.......

Haldið þið kjafti, ykkur kemur þetta ekki við......

Svo er nú það.

Í dag tók ég mig til og handeraði að ég taldi síðustu sjö gæsirnar sem ég átti á snúrustaurnum. Tók bara bringurnar og lifur og hjörtu því ég nennti ekki að setja reitingarvélina í gang. Hafði á orði við Sigurð Sexkant Svein Jón Ragnarsson Long að maður myndi nú ekki handera fleiri gæsir á þessu ári. En ég hafði víst rangt fyrir mér í þeim málum. Því við feðgar kíktum í sveitina og ætluðum að spreyta okkur á kvöldandarflugi. Engin kom öndin, en aftur á móti fékk ég stóran hóp af grágæs í flottu flugi yfir mig og lét ég vaða eitt skot á hópinn. Það var lyginni líkast. Í rökkrinu sá ég tvo fugla falla. En þegar farið var að sækja fuglana þá urðum við feðgar gáttaðir. Það höfðu fallið fjórar gæsir fyrir þessu eina skoti og hefi ég eigi náð þessum árangri áður. Þrisvar í haust hef ég náð að taka tvo fugla í skoti, en þetta er í fyrsta og líklegast síðasta skipti sem maður nær svona skoti. Nú held ég að maður sé komin með kjöt af rúmlega 90 gæsum í frost.

Annars er fátt að frétta. Höfðum nú hugsað okkur að vísitera norðurlandið þessa helgi en sökum slæms veðurútlits var því frestað. Við treystum nú varla Jeppa líkinu okkar í mikla ófærð. Þurfum fyrst að gefa honum mikið af bensíni svo hann verði nú stór og stæðilegur slyddujeppi.

 

Hann og ~sætasta~ stelpan ávörpuðu okkur vinnuveitendur sína í dag. En eins og oft áður skildi ég orðin en náði litlu samhengi. Komst samt að því að þau vildu ekki láta okkur sem sköffum þeim vinnuna vita hvaða skilyrðum þau hafi gengið að til að skuldsetja okkur í botn og rúmlega það.

 

En svona er þetta bara. Okkur kemur þetta ekkert við, né heldur útrásarmönnunum sem settu þjóðina í þessa klípu.

Það er svo margt skrýtið í hausnum á belju.......

Jebbs,,,,,,,,,

Nú er víst síldarævintýri byrjað vestur í Breiðafirði. Ekki förum við hér á Hoddnafirði á mis við það. Tveir bátar héðan eru gerðir út á þessar veiðar, Ásgrímur Halldórsson SF og Jóna Eðvalds SF. Svo landar Samherja-Síldarvinnslu báturinn Birtingur NK (áður Áskell EA) afla hér.

Í fyrramálið eigum við á netaverkstæðinu að fara á löndunarbryggjuna og lengja nótina hjá þeim á Ásgrími Halldórs. Það er alveg ótrúlegt með þessa bryggjuvinnu, það spáir nefnilega skíta veðri með ofankomu á morgun. Hvort það verður snjór eða regn á eftir að koma í ljós. Það sem mér finnst nú furðulegast í þessu öllu er að eigi fyrir svo ýkja löngu var byggð bryggja framan við verkstæðið hjá okkur. Ef minnið er ekki að svíkja mig þá var það draumur hjá Tryggva heitnum Vilmundar að það yrði hægt að taka nætur í land á þessari bryggju og vinna þær inni í húsi til að sleppa við vosbúðina á kajanum. En nei það má víst ekki nota þessa aðstöðu til annars en að láta ~varahluta~ bát liggja þarna.  Ég hefi stundum velt því fyrir mér hví þessi bryggja var ekki byggð þarna framan við Bestfisk þar sem úreldingarbátar hafa löngum legið?

 

Mér skilst að nú séu Geir og Ingibjörg að semja um unhvað sem almenningur má ekkert vita af. Síðan eiga börnin okkar og barnabörn og svo framvegis að borga þetta.

Okkur litla fólkinu sem komu stórsöngvaranum og sætustu stelpunni í eina sæng kemur ekkert við hvað er í gangi. (Tek það fram að ég kaus hvorugt þeirra)

 

Ekki ætla ég nú að fárast yfir liðinu sem hafði frá 12 millum og uppí rúmar 60 í mánaðarlaun, þeir báru mikla ábyrgð. (Ætli það hafi bara verið svona pólitísk ábyrgð sem ungvin þarf að axla?)

 

En svona var veðrið á Honnafirði í dag, en verður varla svona á morgun......