Svo er nú það.

Fátt um þetta að segja. Er farin að sigla.

Tuðrufarar frá Eyjum og,,,,,,,,,,,,

Já þá er maður búin með tvo daga á verkstæðinu. Þeir voru bara nokkuð sprækir karlarnir þar og lítt yfir þessum dögum að kvarta.

Eins og er þá rignir eins og hellt sé úr fötu, en það stendur til bóta.

Tvær tuðrur komu hingað til hafnar í gærdag. Mér skilst að það sé vösk sveit Vestmannaeyinga þar á ferð og tilgangurinn sé að safna aurum handa Stuðningsfélags ungs fólks sem greinst hefur með krabbamein. Ég hefi lítið orðið var við fréttaflutning af þessu ferðalagi. Kannski spilar þar inní æsifréttir af ísbjarnardrápi landans og panikhræðslu vegna þessa bjarndýra sem minni skaða hafa valdið hér á landi í gegnum tíðina en svokölluð þjóðvargarrollurnar. En það er annað mál.

Fórum í leiðangur í dag eftir vinnu fyrir hana Boggu matráðskonu á Jökulsárlóninu. Sótt voru tvö tonn af vistum svo ungvin svelti. Frétti í Nettó búðinni að Lilja gæd á lóninu hafi líkast til öklabrotnað í dag. Slæmt fyrir hana.

En gaman væri nú að sjá tuðruferðalangana frá Eyjum renna sér upp Jökulsánna á fimmtudag eða föstudag til að kíkja í kaffi sopa.

Humar í Humarbæ???

Já nú skilst mér að það sé að styttast í hátíð okkar Hornfirðinga.

2.-6. júlí verður hún haldin og er víst kennd við humar. Líkast til er það vegna þess að á sumrin er landað humri til vinnslu hér í bæ. Sumir vilja kalla bæinn okkar ~humarbæ~. Eigi hefi ég veitt því athygli það sem af er sumri hvort auglýsingar frá humarsölunni hafi glumið í eyrum landsmanna líkt og í fyrra sumar um nýveiddan Hornafjarðarhumar. Það tjáði mér skipstjóri á einum af þessum humarveiðibátum sem héðan eru gerðir út að á þessum tíma í fyrra þegar mest var auglýst hafi bátarnir héðan verið við humarveiðar við Eldey. Ekki ólíklegt að svo hafi verið. En hvað varðar Hornafjarðarhumar þá minnist ég þess eigi að humar hafi verið veiddur hér í firðinum.

Eitt þykir mér hálf kindarlegt, sem kannski er lítt skrítið því sauður get ég verið. Eina marvöruverslunin hér í bæ sem selur humar, ef humar skyldi kalla. Skelbrot og smælki sem varla er villiketti bjóðandi hvað þá fólki sem kemur hingað í ~humarbæinn~. Mér þykir þetta frekar slakt.

En hvað um það ekki hefi ég nokkuð með þetta að gera og versla mér frekar RÚSSARÆKJU og bý mér til sallad.

 

 

Smár en knár kátur kútur...

Þá er ég búin að vera í tvo daga á netaverkstæðinu, og var það bara fínt mál. Fámennt en góðmennt þar.

Í fyrradag hafði ég Kristmar Helga með mér í vinnuna vestur á Jökulsárlón. Sá hafði gaman af þessu brölti. Fá að koma og sigla í svona furðulegum bát sem bæði getur keyrt á landi og siglt um lónið. Ekki versnaði nú ástandið þegar við skruppum með Inga Birni á Zodiak til að kíkja á seli. Valdi Íslenski ruddi tók pjakkinn með sér í tvær svona gúmmítuðruferðir.

Sá stutti var alveg búin á því þegar deginum lauk og svaf í Skódilakknum alla leiðina heim.

 

Dagatal,,,,,,,,,,,,

Jamm.

Erna kom með þá hugmynd að karlpeningurinn á lóninu feti í fótspor Valda. Þá verður hægt að gefa út dagatal svona í samkeppni við Kvennakórinn hér á Höfn. Hver veit hvað gert verður.

En ég er búin að vera að vinna á verkstæðinu í dag. Maður saknar nú ferska loftsins.

Í kvöld testaði ég saltfiskinn sem ég saltaði í vor. Fínasti matur bara.

Valdi Íslenski Ruddinn á köldum klaka!!!!!!!!!!!!!!!

Ég lofaði víst honum Valda Íslenska rudda að setja inn myndirnar sem voru teknar í gær á Jökulsárlóninu.

Svo hér koma þær...........

 

Ég veit nú ekki hvort ég á að byrta þessar myndir af drengnum á Flickr síðunni svona fyrir almenning. 

Einmanna!!!!!!!!

Valdi Íslenski ruddina var myndaður nak,,,,,, á Lóninu í dag.

Ég hefi nú lítið mátt vera að því að pára unhvað hér.

Maddý frænka og hún Svanný mín fóru á suðvesturhornið í fyrradag.

Það er búið að vera nóg að gera hjá mér á lóninu. Yfir 545 silgdu með okkur í dag í flottu veðri. Í gær kom til okkar svona ~þyrlu~ lið. Bara flogið austur og lent við skálan og tekin einn hjólabátarúntur  og svo aftur í bæinn.

Í dag lét Valdi Íslenski ruddinn draum sinn rætast. Hann fékk mig og Sigga litla til að fara með sig á Zodiak út á lón. Þar var fundin fínn jaki og stoppað við hann. Þar reif drengur sig úr hverri spjör nema sokkunum og skónum. Íklæddur nettu björgunarvesti og með Goodyear derhúfu klifrðai drengur út á jakan og lét okkur bakka frá. Siggi var með myndavélina ogsmellti af í gríð og erg meðan Valdi setti sig í hinar ýmsu fyrirsætustellingar. En allan tíman hékk húfan á hinum eina sanna snaga sem kallaður er ~Joey~. Myndirnar vöktu mikla kátínu meðal kvennstarfsmanna á Jökulsárlóninu.

Ætli ég byrti ekki nokkrar myndir hér á síðunni annað kvöld, og jafn vel á Flickr síðunni minni.

Ekki í fyrsta né síðasta,,,,

Mig rámar í að minnsta kosti 3 svona óhöpp í vikunni bara á þessum spotta sem ég rúnta daglega á leið minni til vinnu. Allt fer í háaloft útaf bjarndýrsræfli sem langar að skríða hér á land til að deyja, en mín skoðun er að meiri ógn sé fyrir íbúa landsins og erlenda ferðamenn af þjóðvegarrollunum.......

Tvær bílveltur fyrir rollu

Fjórhjól.