Úr hverju eru jöklar búnir til?

Ég er nú lítið að nenna að blogga.

Aðallega vegna þess að ég hef lítið að segja.

Fór til rjúpna á laugardaginn, endaði með því að ég náði rjúpu en hún var dýr þar sem hundurinn minn hann Balto ætlaði að ná henni á undan mér og varð fyrir hagladrífunni. Balto slapp særður frá þessu dæmi en rjúpan dó.

Ég er stundum að leika mér að setja myndir inn á vef sem ber nafnið www.ljosmyndakeppni.is árangurinn er frekar dapur. Síðasta mynd sem ég setti inn er frá Jökulsárlóni og kalla ég hana ~frosinn snjór~. Ég veit ekki betur en jöklarnir okkar sé snjór sem hefur fallið, þjappast saman og frosið. Vel má vera að það sé rugl í mér.

En ég held mig við það að svo sé þar til mér fróðari menn og konur ná að sannfæra mig um annað.

Athugasemdir

[Haraldur Bjarnason, 5.11.2008 kl. 21:48]

Svona menn eiga nú ekki að umgangast byssur. Fara á hænsnaskytterí og skjóta hund!!! - Þetta minnir mig á yfir 20 ára gamlan atburð þegar fyrrum svili minn fékk ásamt tveimur skipsfélögum sínum leyfi til að skjóta gæsir á túninu hjá tengdapabba. Gæsirnar flugu framhjá en rolla lá eftir dauð á túninu. - Farðu nú bara með dúfnagildru næst en vonandi heilsast hvuttanum þínum vel.