Bræla í dag.

Valdi hin Íslenski ruddi átti afmæli í morgun.

En ég sótti hann og Ágúst í morgun áður en ég fór vestur úr. Rétt vestan við Hrollaugsstaði var bíll úti í skurði alveg í klessu. Á Reynivöllum sóttum við Fridu og Emmu. Unhvað var fólið þar syfjað því bara hún Pat fór með Ernu á Crusernum. Þá voru eftir Ragga, Vivi og Palli. Vivi skreið í skottið á Skódanum og lokaði á eftir sér. Mikið hlógum við hin þegar hún fattaði að það var einn bíll eftir sem hún gat fengið far með.

Dagurinn fór rólega af stað. Síðan fór að vinda og rigna. Í næst síðustu ferðinni minni fór ég með hóp af Ammríkönum. Sjitt hvað sumir þeirra voru hræddir í kaldanum. Heimtuðu að það yrði snúið við og vildu helst komast heim í Búss ríkið.

Spánverjarnir og Hollensku mæðgurnar í síðustu ferð dagsins voru mun hugrakkari og létu hvorki rigningu, rok, velting og pus skelfa sig. Bara hlógu og höfðu gaman að öllu. Sælir og ánægðir hundblautir útlendingar fóru ánægðir frá Breiðamerkurlóni.

Ég náði að kenna Vivi hinni Þýsku að segja helvítis drasl í staðin fyrir pass þegar við spilum ólsen ólsen.

Athugasemdir

[Svava Bjarna (IP-tala skráð) 17.6.2008 kl. 13:11]

Hæ Ronni til hamingju með systir er hún ekki fimmtug í dag eða skjátlast mér er það 59 model sem að ég er að tala um . Og önnur spurning... Maddý frænka er það Maddý frænka Bjarnadóttir systir Péturs og Baddýar?????? Maður er nú að klikka á því að muna þetta allt. En flottar myndir hjá þér og ykkur og vertu áfram duglegur að draga Svanný með þér út því að hún hefur ekkert annað en gott af því.... Baráttukveðjur héðan frá DK S. B.

[Runólfur Jónatan Hauksson, 17.6.2008 kl. 23:08]

Hula er 59 árgerð, Madý er ekki Bjarnadóttir, ég reyni að vera duglegur að draga Svanný út og líka að taka myndir Svava.

Kveðja til Danaveldis. 

[Runólfur Jónatan Hauksson, 18.6.2008 kl. 00:01]

Hulda á þetta að vera og Maddý,,,,,,,,,,,,