Upprifjun.

Langar að setja þessa mynd hér inn. Hér er ~langi~ kallinn að búa sig í að leggja reknet. Hér var pabbi í sínu rétta umhverfi. Aðeins að líta á kompásinn til að athuga stefnuna. Gæti trúað að myndin sé tekin 1976.

Myndin er fengin úr bókinni Fiskisagan Flýgur, og biðst ég afsökunar á að stela henni. 

Athugasemdir

[Hulda Margrét Traustadóttir, 28.4.2008 kl. 19:39]

þér verður fyrirgefið að stela "myndinni" Svona hetjur eiga skilið að vera minnst.Þeir unnu við ótrúleg skilyrði og kvörtuðu aldrei. Faðir minn verður 90. ára í ágúst ef guð lofar. Hann er firrverandi sjómaður og vitavörður út við ysta haf og það verður ekki auðvelt að sjá á eftir honum þegar kallið kemur! En þær eru margar sögurnar af þessum  sómamönnum og þeim verðum við að halda á lofti til minningar um allt það góða og óeigingjarna starf sem þeir hafa unnið þjóð sinni !

Knús til ykkar.

[Helena, 29.4.2008 kl. 04:11]

Þú og þínir eiga alla mína samúð,ég missti besta vin min til tíu ára þann 26 marz sl.og er búin að vera ansi döpur síðan.

Drottin blessi minningu föður þíns.

[Páll Jóhannesson, 29.4.2008 kl. 13:07]

Flott mynd af flottum kaptein

[Ingibjörg Sigurðardóttir (IP-tala skráð) 29.4.2008 kl. 20:26]

Elsku Ronni og Svanhildur mínar innilegustu samúðarkveðjur sendi ég ykkur og ykkar fólki.

Kveðja frá Las-Haugas 

[Jón Kjartansson SU-111, 30.4.2008 kl. 11:35]

Áhöfnin á Jóni Kjartanssyni vottar þér og fjölskyldu þinni dýpstur samúð vegna andláts föður þíns, margir hér um borð muna eftir honum þó sérstaklega Grétar skipstjóri.

[Grétar Rögnvarsson, 30.4.2008 kl. 13:07]

Ég samhryggist vegna andláts pabba þíns og skilaðu kveðju til Jóns bróður þíns.

Ég kynntist pabba þínum ágætlega þegar ég var skipstjóri á Sæljoni SU, hann tók mér mjög vel þegar ég kom með netadræsurnar sem ungur og óreyndur maður vestur á netaslóðina út af Hornafirð. Og svo þegar hann fór að koma á síldina austur á firði myndaðist ágætis vinátta með okkur og hringdumst við oft á til að leita frétta. Ég man líka vel eftir atviki í Seyðisfirði þegar hann gaf mér rest úr stóru síldarkasti og á ég meir að segja myndir af því heima. Mér fannst pabbi þinn mjög traustur að leita til og alltaf tilbúinn að segja manni fréttir af góðri veiði í netin, hann var sá sem ég hringdi einna oftast í þegar fréttir vantaði. af netafiskiríi. Kynntist Jóni bróður þínum lítillega þegar hann var á Skógey með karlinum og svo þegar hann var orðinn skipstjóri. Bestu kveðjur til allra á Höfn sem ég þekki en þeir eru margir, Grétar.  

[Runólfur Jónatan Hauksson, 30.4.2008 kl. 13:23]

Ég vill þakka fyrir allar þessar hlýju kveðjur.

Grétar þarna lýsiru honum vel, og gott ef ég á ekki myndir í albúmi frá þssu atviki í Seyðisfirði. 

[Sigurpáll Ingibergsson, 3.5.2008 kl. 17:08]

Sæll Runólfur!

Ég var akkúrat með þessa góðu mynd af Hauki Runólfssyni  í kollinum þegar ég fregnaði andláts hans. Einbeitningin skín úr andliti skipstjórans.

Sendi innilegar samúðarkveðjur til þín og allar fjölskyldu.