Svona er þegar börnin vilja ráða.........

Gemsinn minn hringdi í gærkvöld. Það skeður nú sjaldan.  Nafni minn sem rétt er skriðin í 20 ára aldurinn þurfti að ræða háalvarlegt mál við föður sinn.

Hann byrjaði á því að banna mér að kaupa miða á tónleikana hjá Clapton.

Nú af hverju má ég það ekki spurði ég.

Nú af því að ég ætla að kaupa þá sagði drengurinn. Þá getum við feðgar farið saman hafði hann á orði.

Mér sýnist á öllu að þarna komi ég til með að fara á tónleika þar sem krakkarnir mínir mæta öll. En frúin mín vill ekki fara. Hún er ekki sérlega hrifið af svona margmenni og hávaða. Breytir þar litlu hvernig hávaði það er.