Liðhlaup og svik við kjósendur...

Ég er nú svo kynlegur kvistur. Ef unhver er kosinn í bæjarstjórn, eða á þing. Svíkur svo fólkið sem kom viðkomandi í bæjarstjórn eða þingsætið, liggur þá ekki í augum uppi að viðkomandi er ekki lengur með traust fólksins á bak við sig og á þar af leiðandi að finna sér nýtt starf og varamaður að koma í staðinn?

En hvað veit ég? 

Sjálfstæðismenn með hreinan meirihluta á Akranesi

Sammála..

Ég verð nú bara að vera sammála Magnúsi í þessu máli. Til hvurs að vera að flytja inn flóttafólk og setja niður á staði þar sem jafnvel er ekki atvinna fyrir alla?

Flóttafólk verði boðið velkomið til Reykjavíkur

Zerbar!!!!!

Zerbar,,,,,,eru þeirt ekki hálfgerðir Króatar,,,,,,,,,,,,eða jafnvel Albanar og kannski pínu svona MonteNegrar eða hvað???

 

Stuðningsmenn ESB höfðu betur

Stöngin viðruð.

Jebbsssss.

Eftir hádegið fór ég út með Stínu, Veigar og hundana. Varð því miður að skilja Svanný eftir heima þar sem hún er með ljótan hósta og hitadrullu.

Ég hafði ákveðið að fara og prófa veiðistöngina mína sem ég verslaði mér í fyrra sumar.

Ég ætla nú ekki að elda afla dagsins, en það verður nú bara svona purusteik á borðum hér á eftir. 

 

 

Geðheilsan.......

Á þriðjudaginn verð ég að muna eftir að fá mér tíma hjá doktor. Þarf víst að ná mér í vottorð sem sannar að ég sé nálægt því að vera heill á geði. Það getur nú orðið erfitt. En ef það hefst í gegn þá mun ég fara í það að endurnýja skipstjórnarréttindin mín. Ég var nú svo sem búin að ákveða fyrir nokkrum árum að hætta að halda þessum réttindum við. En eins og ég hefi áður komið inná þá er búið að bjóða mér sumarstarf á Jökulsárlóninu. Það felst í því að sigla um lónið innan um ísmolanna á hjólabáti með innlenda og erlenda túrista. Þetta gæti nú bara verið gaman að prófa þetta svona eitt sumar eða svo. Bara einn galli á þessu,,, mér leiðast erlendir túristar.

Lítið bréf til borgarstjóra.....

Jæja þá, ég er að hugsa um að senda honum Ólafi  borgarstjóra rafpóst.

 

Herra borgarstjóri.

 

Þú mátt alveg reka hann herra Jakob Frímann Magnússon úr starfi strax á þriðjudaginn. Mín vegna máttu gera við hann svona smá starfsloka samning.

Ég er alveg til í að taka að mér starf miðborgarstjóra gegn svona 450 þúsundkróna mánaðarlauna og lítilli íbúð í kjallara á 101 svæðinu. Það má alveg fylgja starfinu lítil vespa með innkaupakörfu. Já og einnig væri gott að þurfa ekki að greiða hundaleyfisgjöld fyrir þá Tígul og Baltó. Ég fer ekki fram á að fá ókeypis nettengingu, get séð um þau mál sjálfur.

 

Virðingafyllst.

Runólfur Hauksson.

 

p.s. (Ef þú gengur ekki að þessu tilboði mínu þá hugsar þú lítt um hag Tjöruborgabúa.)

Myndapláss á Moggabloggi...

Það kom að því....... Ég kláraði myndaplássið mitt hér á Moggablogginu. Nú tvennt var í stöðunni, jafnvel þrennt. Hætta að setja hingað myndir. Henda út myndum, eða bara að versla myndapláss. 150 MB er kannski ekki stórt, en það er víst innifalið í þessu bloggaríi. Nú ég sá þann kostinn bestan að kaupa mér ein 1000 MB, sem og ég gerði. Skrítnasta við þetta allt var að þegar ég hafið borgað fyrir þessi megabyte þá taldi ég víst að þau yrðu 1150. en nei nú er myndplássið mitt akkúrat 1000 MB, og er ég að nota 20% af því plássi. En jæja ég get altéð troðið inn nokkrum myndum til viðbótar.

Svo er nú það......

Mér er nú spurn?

Illa búin bílaleigubíll! Veit ekki betur en nagladekkin eigi að vera farin undan ~öllum~ bílum og yfirvaldið sé farið að huga að rassíu vegna þeirra bíla sem enn eru búnir til vetraraksturs.

Svona er Ísland í dag..... 

Mikið að gera hjá björgunarsveitum á Vestfjörðum í nótt

Má ekki bólusetja krónuna?

Svei mér þá, ég er farinn að hallast að því að Geir og Solla eigi nú að pakka saman og flytja norður á Kolbeinsey. Gætu haft með sér Dabba seðlabankastjóra og hina toppanna í seðlabankanum. Ekki get ég séð að þetta lið sé að ráða við sín störf þrátt fyrir sæmilega greiðslur sem eru í þeirra launaumslögum. Um Ólaf borgarstjóra og það batterí nenni ég lítt að tjá mig. Nema kannski að Frímanninn er ekki sá eini sem er með of há laun innan Reykjavíkurbatteríisnin.

Ég hefi stundum velt því fyrir mér hvort ekki eigi að lækka laun þessara ráðamanna og þeirra sem setjast í þægilegu stólanna í sirkusnum við Austurvöll. Gera þetta þannig að það sé fólk sem gefur kost á sér í þessi störf að áhuga en ekki fégræðgi.

En þetta eru bara mínar pælingar, ég hefi eigi vit á þessum málum.

svo legg ég til að unhver hafi nú rænu á að bólusetja krónuna svo hún hætti að veikjast í tíma og ótíma. 

Barnaþrælkun??????????

Ég veitti því athygli fyrir hádegi að krakkakríli voru að vafra um Óslandið dragandi svarta plastpoka á eftir sér. Þegar betur var að gáð sá ég að litlu dýrin voru að týna rusl. Ég er nokkuð viss um að þetta flokkast undir barnaþrælkun, og samræmist örugglega ekki þessum lögum og reglugerðum frá ESB. Grunar mig að launin þeirra fyrir þetta starf gætu verið ein grilluð GOÐA pylsa með tómatsósu og sinnep. Allt er þetta gert í skjóli starfsmannaleigu sem Frú Þorgerður Katrín menntamálaráðherfa hefur yfirumsjón með.....

Sveiattann.........